No 3º trimestre de curso as reunións dos clubs de manga reanudáronse o día 20 de abril. Nas reunións dese día procedeuse ao comentario das lecturas e as recomendacións das mesmas entre os membros do grupo. Tamén se presentou a actividade central deste trimestre: a visita á Feira do Libro de Santiago e a dúas librarías da cidade.
Esta actividade tivo lugar o día 4 de maio de 5 a 7.30 da tarde. O alumnado dos clubs de manga, acompañado do alumnado colaborador da Biblioteca, realizou unha saída a Santiago acompañado por 2 profesoras do equipo da Biblioteca. Visitamos a Feira do Libro situada na Alameda e 2 librarías da cidade: La Casa del Libro e a Libraría Kómik. Nas dúas realizamos unha vista guiada, adquirimos exemplares -tanto propios coma para a Biblioteca do centro- e, no caso da Kómik, aproveitamos para felicitalos polo 36º aniversario da súa apertura que se celebraba precisamente ese día. Parabéns!!
As últimas reunións do curso tiveron lugar o venres 9 de xuño e nelas fixemos balance das actividades e lecturas realizadas e tamén presentamos algunhas propostas de lectura de cara ao vindeiro curso adquiridas na nosa visita á Komik.
No hay comentarios:
Publicar un comentario