Actividade do club de lectura das familias no 3º trimestre do curso 2023-2024

A proposta de lecturas para o 3º trimestre era a triloxía de novelas protagonizada polos inspectores Abad e Barroso creada por Arantza Portabales: Beleza vermella, A vida secreta de Úrsula Bas e O home que matou a Antía Morgade. Nas reunións celebradas en xaneiro e febreiro xa se procedeu ao reparto e intercambio dos libros da serie en previsión de que no mes de marzo non habería reunión.

No 3º trimestre tivemos 3 reunións: a 1ª tivo lugar o 16 de abril e nela procedemos á primeira valoración dos libros da triloxía de lectura proposta para o trimestre e ao intercambio de exemplares entre os membros do club. A petición dos membros do club que solicitaban outras lecturas da autora, a coordinadora presentou e repartiu exemplares de 2 títulos máis da autora: Deixe a súa mensaxe despois do sinal e Sobrevivindo (ed. ampliada).

Na 2º reunión, celebrada o 21 de maio, tivemos a visita da escritora Arantza Portabales que nos falou por extenso da súa chegada á escritura e do éxito da súa triloxía:

A ultima reunión do curso tivo lugar o 11 de xuño e nela fixemos valoración das actividades desenvolvidas e aprovisionámonos de lectura para o verán!

Actividade do Club de lectura do manga no 3º trimestre do curso 2023-24

As reunións dos clubs de manga no 3º trimestre tiveron lugar o 12 de abril, o 3 de maio e o 11 de xuño, na que fixemos unha valoración sobre o funcionamento do club e sobre a súa continuidade no vindeiro curso. Destaca especialmente a reunión do venres 3 de maio pola tarde, pois consistiu nun visita a Santiago de Compostela, acompañados polo alumnado colaborador da Biblioteca, para visitar a Feira do libro e 2 librerías especializadas: Astora e Komik.

Actividade do Club de lectura de manga e do Club de lectura das familias no 2º trimestre do curso 2023-2024

Polo que respecta ás actividades dos Clubs de manga, estes reuníronse o 12 de xaneiro, o 20 de febreiro e o 18 de marzo. Foron reunións de valoración, comentario e intercambio de exemplares. 

A reunión do 20 de febreiro coincidiu coa visita ao noso centro do libreiro Javier Castro, quen montou no centro unha mostra de material. Ao coincidir en martes, o alumnado dos clubs -a petición da coordinadora- aproveitou a hora anterior ás clases da tarde para facer unha selección de novo material de lectura 

e, mesmo, recomendou lecturas de manga aos seus compañeiros do centro nunha actividade de mediación lectora.

Polo que respecta ao Club de lectura das familias, tivo 2 reunións neste trimestre: a 1ª o 20 de xaneiro para facer a valoración e comentario de Pecados veniais. Nesa reunión procedeuse tamén ao reparto das lecturas propostas para o 3º trimestre (e das que falaremos máis adiante) posto que non habería reunión do club no mes de marzo e na de febreiro estaba previsto unha charla literaria. Efectivamente, a 2ª celebrouse o 20 de febreiro e nela gozamos dun encontro literario con Nazaret López a propósito da súa obra.

 

Actividade do Club de lectura das familias no 1º trimestre do curso 2023-24

 

O Club de lectura das familias tivo unha 1ª sesión (de carácter informativo) o 19 de setembro de 2023 ás 6 da tarde, na que se anotaron inicialmente 12 membros (aínda que ao longo do trimestre se uniron 2 persoas máis formando un total de 13 nais e 1 pai). 

Nesa 1ª reunión fixéronse 3 propostas de lectura para intentar atender á diversidade de intereses dos membros:

-A dúbida, María Reimóndez, Xerais.

Premer aquí aquí para ampliar información sobre a obra.

-Subnormal. Unha historia de acoso escolar, Fernando Llorente e Miguel Porto, Retranca Editora.

Premer aquí aquí para ampliar información sobre a obra

-As horas roubadas, María Solar, Xerais.

Preme aquí aquí para ampliar información sobre o tema

Na 2ª sesión do 17 de outubro compartimos as primeiras valoracións sobre os textos escollidos e procedemos ao intercambio de exemplares. A 3ª sesión, celebrada o 14 de novembro, estivo dedicada principalmente á preparación do encontro coa escritora María Solar a propósito da súa obra. Varios membros do club solicitaron outras novelas da autora e repartíronse exemplares de Os nenos da varíola e d'A culpa.

A 4ª reunión, celebrada o 21 de novembro, foi unha charla literaria coa María Solar a propósito da súa obra literaria e na que respondeu ás nosas presuntas sobre As horas roubadas.

Na última reunión do trimestre, celebrada o 19 de decembro procedemos á valoración final das lecturas do trimestre e da propia actividade do club. A coordinadora procedeu a presentar a lectura do 2º trimestre e ao reparto de exemplares: a novela Pecados veniais de Nazaret López, editada por Xerais.

Podedes ver aquí aquí un vídeo presentación coa propia autora.

Actividade dos clubs de lectura de manga do IES Xulián Magariños no 1º trimestre do curso 2023-2024

 

O luns 25 de setembro, coincidindo coa apertura da Biblioteca, tiveron lugar nos recreos 2 sesións informativas sobre os clubs de lectura de manga. No resto dos recreos da semana seguiu informándose ao alumnado interesado nos recreos e houbo un prazo para anotarse ata fin de mes.

Aos clubs anotáronse inicialmente 20 alumnos de 1º a 4º da ESO (aínda que o número de participantes real foi de 17). Para facilitar a comunicación entre os membros dos clubs, a coordinadora envioulles unha solicitude aos responsables do alumnado interesado para incluílos nun grupo de washap que se utilizaría como medio principal de comunicación entre os membros do club.

Unha vez recibidas as pertinentes autorizacións, formáronse 2 grupos de lectura: un grupo de 8 alumnos de 4º da ESO (3 rapaces e 5 rapazas), que xa formaran parte do club o ano anterior, e un 2º grupo de 9 alumnas (5 de 1º da ESO, 1 de 2º e 3 de 3º) das cales só 3 formaran parte do club o curso anterior.

As actividades comezaron no mes de outubro os días 17 e 19 con 2 sesións de “formación” na que o alumnado máis veterano dos clubs explicou ao novo alumnado as peculiaridades da lectura dun manga, as series existentes na biblioteca e fixo as súas propias propostas de lectura.

O resto das reunións dos clubs tiveron lugar o 10 de novembro e o 15 de decembro.

Actividades do club de lectura do profesorado no 3º trimestre

Entre os meses de marzo e xuño realizamos as nosas lecturas sobre as outras dúas escritoras previstas para este curso, Carmen Laforet e Agatha Christie.

Na reunión do 19 de abril procedemos á valoración das 2 obras seleccionadas sobre esta autora, unha biografía elaborada polo seu fillo:

-El libro de Carmen Laforet vista por si misma, Agustín Cerezales Laforet, Destino, 2021.

-Nada, Claudio Stassi, Planeta Cómic, 2021.

Deixamos tamén aquí unha breve entrevista ao seu fillo publicada en La Voz de Galicia con motivo da publicación da biografía

Na reunión do 11 de maio comentamos as obras seleccionadas sobre Agatha Christie:

    -Ven y dime cómo vives. Una escritora inglesa en Oriente Medio, Agatha Christie, Tusquets Editores, 2022.

-Agatha Christie. Morte no Nilo, François Rivière, El Patito Editorial, 2011.

-Agatha Christie. Os catro grandes, Alain Paillou, El Patito Editorial, 2011.

    Finalmente, o 12 de xuño ao mediodía as profesoras do club tivemos unha comida de despedida e valoración final das lecturas e actividades desenvolvidas no curso. Os membros do club destacaron especialmente as dúas actividades dedicadas á figura de Pardo Bazán polo que tiveron de experiencia compartida e manifestaron o seu interese en seguilas realizando para o curso que vén.

Actividade dos clubs de lectura de manga no 3º trimestre

 No 3º trimestre de curso as reunións dos clubs de manga reanudáronse o día 20 de abril. Nas reunións dese día procedeuse ao comentario das lecturas e as recomendacións das mesmas entre os membros do grupo. Tamén se presentou a actividade central deste trimestre: a visita á Feira do Libro de Santiago e a dúas librarías da cidade.

Esta actividade tivo lugar o día 4 de maio de 5 a 7.30 da tarde. O alumnado dos clubs de manga, acompañado do alumnado colaborador da Biblioteca, realizou unha saída a Santiago acompañado por 2 profesoras do equipo da Biblioteca. Visitamos a Feira do Libro situada na Alameda e 2 librarías da cidade: La Casa del Libro e a Libraría Kómik. Nas dúas realizamos unha vista guiada, adquirimos exemplares -tanto propios coma para a Biblioteca do centro- e, no caso da Kómik, aproveitamos para felicitalos polo 36º aniversario da súa apertura que se celebraba precisamente ese día. Parabéns!!

As últimas reunións do curso tiveron lugar o venres 9 de xuño e nelas fixemos balance das actividades e lecturas realizadas e tamén presentamos algunhas propostas de lectura de cara ao vindeiro curso adquiridas na nosa visita á Komik.