sábado, 8 de abril de 2023

Actividades dos clubs de lectura no 2º trimestre: clubs de lectura de manga

 No 2º trimestre do curso mantivemos as actividades dos 2 clubs de lectura de manga: o 1º grupo segue formado polo mesmo alumnado (5 alumnos de 1º da eso e 6 de 2º) e o 2º grupo (composto por alumnos de 3º da ESO) aumentou o seu número a 12 alumnos, polo que o total de alumnos pasa a 23.

A 1º reunión tivo lugar nos 2 recreos do 23 de xaneiro e nela informouse ao mesmo da disponibilidade do material dunha "Maleta viaxeira" da Asesoría de Bibliotecas Escolares.



Esta maleta foi recollida o luns 16 de xaneiro e devolta o 13 de febreiro e durante este período o alumnado do Club tivo o material á súa disposición. A experiencia foi valorada moi positivamente polos alumnos coordinadores destes clubes.

A 2ª reunión tivo lugar o 24 de febreiro e nela presentouse o novo material adquirido para os clubs, composto por edicións de libros clásicos en formato manga (Hamlet, el Conde de Montecristo...)




Finalemente, o venres 17 de marzo, para celebrar o Día do Cómic, tivemos a visita na Biblioteca do centro de Xaime Lis, da Libraria Komik de Santiago de Compostela, a primeira libraría que houbo en Galicia especializada en cómic (fundouse en 1987). Xaime compartiu co alumnado dos clubs de lectura todo o seu coñecemento sobre a historia do manga e achegounos algúns exemplares da súa propia colección persoal. Graciñas, Xaime!!











Actividades dos clubs de lectura no 2º trimestre: club de lectura do profesorado

Neste 2º trimestre do curso tivemos unha reunión trimestral nos meses de xaneiro, febreiro e marzo. Nas dúas primeiras reunións (20 de xaneiro e 16 de febreiro) fixemos valoración das nosas lecturas e preparamos dúas actividades relacionadas coas mesmas que se celebraron nos meses de febreiro e marzo:

O sábado 25 de febreiro realizamos un Roteiro vinculado coa figura de Emilia Pardo Bazán na que comezamos pola mañá cunha visita guiada ao Pazo de Meirás (das que xestiona o concello de Sada)







Logo visitamos o Pazo de Santa Cruz en Oleiros.





Xa pola tarde finalizamos o Roteiro na "Marineda" de Dona Emilia. visitando varios lugares da cidade vella coruñesa que se mencionan na súa obra. Tomamos como referencia a publicación Marineda en las novelas de Emilia Pardo Bazán. Mapa literario 1883 (Aventuras literarias, 2021).






 

O luns 20 de marzo visitáronnos no centro educativo as escritoras Marilar Aleixandre e María López para falarnos do seu libro Movendo os marcos do patriarcado. O pensamento feminista de Emilia Pardo Bazán





Foi unha visita moi interesante na que as escritoras se reuniron primeiro co profesorado e co alumnado de 1º de Bacharelato no Salón de Actos do IES para falar da situación da muller na época da autora e, posteriormente, nunha comida co profesorado do Club, tivemos tempo para falar desta obra en concreto e dalgúns aspectos moi interesantes da biografía de Dona Emilia.






Foi unha experiencia magnífica e, sobre todo, debemos agradecer a inmensa xenerosidade das autoras ao achegarse ao noso centro nunhas datas ben complicadas para ambas polos seus compromisos; especialmente á profesora María López, nova académica da Real Academia Galega. quen leu o seu discurso de ingreso uns días antes de visitarnos. 
A María López, profesora ademais do IES Xulián Magariños antes do seu paso á USC, dedicamos desde a Biblioteca un dos nosos Boletíns de recomendación lectoras.

Finalmente, o 15 de marzo tivemos a última reunión do trimestre na que se realizou a última valoración das lecturas  e se presentaron e repartiron as obras de lecturas propostas para o 3º trimestre e que xiran, como estaba previsto, ao redor da vida e da obra das escritoras Carmen Laforet e Agatha Christie: